এই পৃষ্ঠাটোৰ বৈধকৰণ হৈছে
২১
চন্দ্ৰাৱলী।
বিশ্বপাল। কোৱা হ’লে আন কাৰো নাম
লাগিল হেতেন মোৰ ভাল;
সকলোৱে পিতাৰক ভাল বুলিছিল,
মই কিন্তু সদাই দেখিলোঁ
মোৰ প্ৰতি বিদ্ৰোহ আচৰা।
সাহিয়াল ডেকা তুমি,—
বীৰভদ্ৰ মন্ত্ৰীৰ বাহিৰে
নোৱাৰানে ক’ব মোক আন কাৰো নাম?
বিশ্বপালৰ প্ৰস্থান।
হেমাঞ্জলী। হোৱা হলে মোৰ পিতা মই,
এনে কথা নকওঁ কদাপি।
পুষ্কৰ। মোৰ অতি গৌৰৱৰ কথা,
পিতা মোৰ বীৰভদ্ৰ।
লয় যদি বিশপালে
নিজৰ সন্তান বুলি
কৰে মোক অতুল ৰাজ্যৰ অধিকাৰী,
তথাপিও নাম নসলাওঁ
মই সেই বীৰভদ্ৰ পিতাৰে সন্তান।
চন্দ্ৰাৱলী। মোৰ পিতা ধৰ্ম্মপালে
বীৰভদ্ৰ প্ৰাণতুল্য বুলি
কৈছিলে সদাই সভাত;
এই বুলি জনা হ’লে
