এই পৃষ্ঠাটোৰ বৈধকৰণ হৈছে
১০
চন্দ্ৰাৱলী।
সেইবাবে কৰোঁ নিবেদন—
নিদিবা মিছাতে যাব
অনৰ্থক মৰিবৰ বাবে;
নতু, তাৰ অপমানে
কলঙ্কিত কৰিব তোমাকো;
মোৰ ওপৰত তুমি
নেৰাখিবা অলপো বেজাৰ।
জনাৰ্দ্দন। (হাতত ধৰি) পিঞ্জৰ,
আজি মই পুলকিত তোমাৰ স্নেহত;
তাৰ বাবে শতধাৰে
মোৰ স্নেহো ঢালিম তোমাত,
অৱশ্যে পুষ্কৰ মোৰ ভাই মৰমৰ,
কিন্তু তাৰ দৰে দুৰন্ত মানুহ
নাই দেখা এই জগতত।
কতনোঁ বুজালোঁ, কত দেখুৱালোঁ,
নোৱাৰিলোঁ বিচলিত কৰিব অলপো।
মল্লযুদ্ধ কৰিবৰ বাবে
ঠেং দাঙ্গি আগবাঢ়ি আছে,
উপহাস কৰিছে তোমাকো।
ইমান সাপৰ দৰে তাৰ পৰকিতি
পালে মোকো বধে এতিয়াই।
যি কৰা কৰিবা,
তাত মোৰ নাই অসন্তোষ।
