এই পৃষ্ঠাটোৰ বৈধকৰণ হৈছে
৯৬
চন্দ্ৰাৱলী।
দামোদৰৰ প্ৰবেশ।
দামোদৰ। কওঁ কথা সকলোৱে শুনক সুখেৰে,⸺
নাম মোৰ দামোদৰ
কনিষ্ঠ কুমাৰ মই
বীৰভদ্ৰ প্ৰাচীন মন্ত্ৰীৰ।
দিনে দিনে ডাঙ্গৰ বিষয়াবোৰ
বনলৈ অহা দেখি
জজ্বলিত হৈ বিশ্বপাল
নিজৰ জ্যেষ্ঠক বধিৰৰ বাবে
সেনালৈ পালে আহি মুখ অৰণ্যৰ,
এজনা পুৰণি ঋষি লগ তাতে পালে
তেওঁৰে আলাপ কৰি
ভাতৃবধ কৰা ইচ্ছা সমূলি এৰিলে,
এৰিলে সংসাৰো।
এতিয়া বৈৰাগী তেওঁ
ৰাজ্য ভাৰ সমৰ্পণ
কৰিছে দুনাই আপোনাক;
সভ্য সকলকো দিছে
নিজ নিজ আগৰ বিষয়।
ধৰ্ম্মপাল। সুখৰ বাতৰি তুমি
আনিছা সুখৰ দিনা,—
তোমাৰ দুয়োটি ককায়েৰে
সন্তোষ লভিছে পাই শুভ সমাচাৰ।
