এই পৃষ্ঠাটোৰ বৈধকৰণ হৈছে
চক্ৰধ্বজ সিংহ।
প্ৰথম অঙ্ক।
প্ৰথম দৰ্শন।
স্থান--ৰজাৰ বৰ-চৰা।
কাল-আবেলি।
চক্ৰধ্বজ সিংহ সৰ্গদেও, বাঁহগৰীয়া বুঢ়াগোহাঁই, গুইমেলা বৰগোহাঁই, বৰপাত্ৰগোহাঁই, আৰু সভাসদসকল।
চক্ৰধ্বজ সিংহ। মই সেইবোৰ বুজিছোঁ বুঢ়াগোহাঁই ডাঙৰীয়া; কিন্তু মোক কওকচোন, চামধৰা আৰু পোতাকলঙৰ কোঁঠ দুটা ভালকৈ “মেৰামত” হবলৈ আৰু কিমান বাকী?
বুঢ়াগোহাঁই। দিনে ৰাতিয়ে কাম কৰিবলৈ মানুহ লগাই দিয়া হৈছে সৰ্গদেও। আৰু আঠ-দহ দিন মানৰ মূৰত শেষ হবৰ সম্ভৱ। ”
