এই পৃষ্ঠাটোৰ মুদ্ৰণ সংশোধন কৰা হৈছে
৩য় দৰ্শন, ]
১০৫
চক্ৰধ্বজসিংহ।
নাই জানো।
ফুকননী। যা এইজনী! চোৰে হে চোৰৰ ঠেং দেখে। বলিয়াই হে বলিয়াক দেখে। তই বলিয়া, সেইদেখি লোককো বলিয়া দেখিছ।
শ, খো, গো,। বাৰু তেন্তে চেনেহী, তুমি ৰচনা কৰা আৰু এটি গীত গোৱাঁচোন? ভালকৈয়ে বলিয়া হওঁ; ৰূপহীৰ কথাই ফলিৱাওক।
চেনেহী। সেই বলিয়ানীজনীৰ কথা আপুনি কেলৈ শুনিছে?
শ, খো, গো,। ৰূপহীৰ সকলোেবোৰ কথা মিছা নহয়। গোৱাঁ, গোৱাঁ।
ৰূপহী। যি হওক, ৰূপহীক অলপ বুজিলে তেন্তে।
ফুকননী। (চেনেহীক) গা, নেগাৱ নো কেলৈ?
( চেনেহীয়ে গায় )
(গীত )
অৰুণে বিলালে পূবক কিৰণ,
মালতী মলয়াক মৌ।
জনম দুখুনীৰ কি আছে বিলাব?
হিয়া হে সমল থওঁ।
মৌ-পিয়াই পিলে একেটুপি মৌ,
আনন্দ উথলি ব'ল,
