এই পৃষ্ঠাটোৰ বৈধকৰণ হৈছে
(৬৪)
নাম কীৰ্ত্তনত বিনা আন, শ্ৰেষ্ঠ ধৰ্ম্ম নাহি বিদ্যমান,
সংসাৰৰ বন্ধ কৰিবে যিতো মোচন॥২৯
ব্ৰহ্মবৈবৰ্ত্তত সুতে কন্ত, শৌনকাদি ঋষি শুনিচন্ত,
নাৰায়ণ নাম কৰয় যিতো আশ্ৰয়।
শৌনক তাহাৰ অকল্যাণ, নাহি সত্যে কহোঁ বিদ্যমান,
পুনু সত্য কৰোঁ সংসাৰ সিতো তৰয়॥২৯১
সংসাৰ সাগৰ ঘোৰতৰ, তাতো জম্ম পাইল যিতো নৰ,
অনিচ্ছা পূৰ্ব্বকে হৰিৰ নাম লৱয়।
তথাপি সংসাৰে মুক্ত হোৱে, নভজি সংসাৰ মজি ৰৱে,
হেনয় নামৰ অদ্ভুত মহিমা হয়॥২৯২
প্ৰাণ প্ৰয়াণত হৰি নাম, পথৰ সম্বল অনুপাম,
সংসাৰ ব্যাধিৰ ঔষধ ইতো পৰম।
দুখ সাগৰক সুখে তৰি, পৰম মঙ্গল নাম ধৰি,
পাপক নিস্তৰি হোৱয় সিতো উত্তম॥২৯৩
দুলড়ি।
বাসুদেব নাম ইতো, উচ্চৰি মনুষ্য সবে,
সংসাৰ ভয়ত হোৱে মুক্ত।
বিষ্ণুৰ পৰম পদ, সিতো পাৱে নুহি চিত্ৰ,
সিতো পুনু হোৱয় যুগুত॥২৯৪
