এই পৃষ্ঠাটোৰ বৈধকৰণ হৈছে
(১০৫)
গোবিন্দ গোপাল, মুকুন্দ বামন,
নাৰায়ণ দয়াময়।
যাদৱ মাধৱ, উচ্চৰি সততে,
কৰিয়ো শুদ্ধ আশয়॥৫৭৫
ঘোষা—দামোদৰ গদাধৰ, অনন্ত শকতি ধৰ
শঙ্খ-চক্ৰ-গদাপদ্মধাৰী।
গোবৰ্দ্ধনধাৰী হৰি লৈয়ো মোক দাস কৰি,
হৃদয় কমলে বাস কৰি॥৫৭৬
পদ-নাৰায়ণ দয়াময়, হৰিয়ো সংসাৰ ভয়,
জীবে গোচৰিতে নজানয়।
তাকেসে বুলিয়ো বন্ধু, তাৰে যিতো ভবসিন্ধু,
জীবৰ দেখিয়া দুখচয়॥৫৭৭
হৃদয়তে আছা বই, জীবে তবু নজানয়,
তজু উপকাৰ কৃপাময়।
তুমি গতি তুমি মতি, তজু পদে কৰি ৰতি,
জীবে সংসাৰক পাসৰয়॥ ৫৭৮
তোমাৰ মায়ায়ে হৰি, জীবক আছয় ধৰি,
মায়াক কৰিয়ো দূৰ বাপ।
