পৃষ্ঠা:গোপীৰ বস্ত্ৰ হৰণ.djvu/৫

এই পৃষ্ঠাটোৰ বৈধকৰণ কৰা হৈছে


গোপীৰ বস্ত্ৰ হৰণ।
শ্ৰীশ্ৰী সৰস্বতৈয়ে নমঃ।
পদ।

জয় জয় সৰস্বতী তুমি বুদ্ধিমতী।
তোমাৰ চৰণে কৰো সহস্ৰ মিনতি॥
তোমাৰ চৰণে মই সেবো একবাৰ।
বস্ত্ৰ হৰণৰ পদ কৰিব প্ৰচাৰ॥
কাম ভাৱে যিতো জন ইহাক শুনয়।
সিতো জন অবশ্যেই নৰকে পৰয়॥
ভক্তিভাৱে যিতো কৰে ইহাক শ্ৰৱণ।
মহানলে চলিযায় বৈকুণ্ঠ ভুবন॥
শুনা শুনা সভাসদ আতি বিতোপন।
ইহাক পঢ়িলে আতি স্থিৰ হয় মন॥