এই পৃষ্ঠাটোৰ বৈধকৰণ হৈছে
(৭৯)
দুলৰী।
নমোঁ কৃষ্ণ দেৱ, দণ্ডৱতে সেৱ,
কৰোঁ কোটিশতবাৰ।
তযু অনুমতি, ৰচিলোঁ সম্প্ৰতি,
ভাৰত ইটো পয়াৰ॥
সমৰ্পিলোঁ মনে, তোমাৰ চৰণে,
তুষ্ট হুয়ো মোক প্ৰতি।
নাই গতি আন, তযু পাৱে ধ্যান,
তুৱানামে মোৰ গতি॥ ৪০২ ॥
যিটো কৃপাময়, ছেদিলা সংশয়,
দেখায়া আপোন থান।
উপনিষদৰ, তন্ত্ৰ ৰহস্যৰ,
কৰি দিলা দিব্য জ্ঞান॥
দেৱতাৰ গতি, আশ্ৰয় সম্প্ৰতি,
গুৰুদেৱ মনুষ্যৰ।
দেৱ ঋষিগণ, কৰাই দৰিশন,
দিলাহা দিব্য অক্ষৰ॥ ৪০৪ ॥
উপনিষদৰ, তন্ত্ৰ ৰহস্যৰ,
পৰম গোপনী হেতু।
আলৌকিক জ্ঞান, মোক্ষৰ নিদান,
ঘোৰ সংসাৰৰ সেতু॥
