এই পৃষ্ঠাটোৰ বৈধকৰণ হৈছে
( ৬৫ )
কৌৰৱক সমোখ সমৰে ৰণ জিনি।
যুধিষ্ঠিৰ ৰাজা শোক কৰা ৰাত্ৰি দিনি॥
তোৰা দুই হন্তক স্মৰি সকলে শৰীৰ।
সৰ্ব্বক্ষণে জানুত থাকন্ত দিয়া শিৰ॥ ৩৩৫॥
পাণ্ডৱৰ দোষ তুমি নধৰিবা মনে।
যুধিষ্ঠিৰ সমৰাজা নাই ত্ৰিভুবনে॥
শুনিয়ে গান্ধাৰী আৱ তুমি ধৰ্ম্মশালী।
অধৰ্ম্মিক নাচাইলা ধৰ্ম্মক প্ৰতিপালি॥ ৩৩৬॥
তোমাতে বিজয় মাগিলেক কুৰুৰায়।
তথাপিতো তুমি কিছু নুবুলিলা আই॥
হেন সে লক্ষিলোঁ তুমি ধৰ্ম্মতে প্ৰবল।
মাৱহুয়া পুত্ৰকে নেদিলা সুমঙ্গল॥ ৩৩৭॥
হেন তুমি বচন বুলি ধৰ্ম্মময়।
যাত ধৰ্ম্ম আছে তুমি হুইবা ৰণজয়॥
তোমাৰ কি বচন বিফল হৱে মাৱ।
তুমি অনুমতি কৌৰৱৰ ভৈল শাৱ॥ ৩৩৮॥
যুধিষ্ঠিৰে ৰণ জিনি পাইলা বসুন্ধৰী।
হুয়োক প্ৰসন্ন মাৱ কোপ পৰিহৰি॥
কুন্তীতো অধিক কৰে তোমাত ভকতি।
হেন পাণ্ডৱক তুমি এৰা ক্ৰোধ মতি॥ ৩৩৯॥
বৈশম্পায়ণ বদতি শুনিয়ো জন্মিজয়।
ধৃতৰাষ্ট্ৰ গান্ধাৰীয়ে কৃষ্ণক বোলয়॥
