এই পৃষ্ঠাটোৰ বৈধকৰণ হৈছে
( ৬৪ )
ৰাজাৰ আদেশে আপোনাৰ ৰথে চৰি।
হস্তিনা পুৰক নাৰায়ণ গৈলা লৰি॥ ৩২৯॥
দুৰ্য্যোধন ৰাজাৰ আবাস প্ৰবেশি।
ধৃতৰাষ্ট্ৰ গান্ধাৰীক মাধৱে দেখিলা॥
বৃদ্ধ ৰাজা অন্ধকক কৰি নমস্কাৰ।
বুলিলন্ত যত দোষ ক্ষেমিয়ে আমাৰ॥ ৩৩০॥
কহিলন্ত নমস্কাৰ পাণ্ডৱগণৰ।
ৰণ জয় ভৈল পাঞ্চু পাণ্ডুৰ কুমৰ॥
মাধৱ বদতি ৰাজা শুনা সাৱধান।
ভুত ভবিষ্যত তুমি জান বৰ্ত্তমান॥ ৩৩১॥
যুধিষ্ঠিৰ ৰাজাৰো জানাহ যেন চিত।
গুৰু গৌৰৱত যেন ধৰ্ম্মত বিনীত॥
সসাগৰা বসুমতী লৈল দুৰ্য্যোধন।
দুখ ভুঞ্জি আপুনি ফুৰিলা বনে বন॥ ৩৩২॥
আমাক পঠাইলা, কৰি তোমাক প্ৰণাম।
অৰ্দ্ধ ৰাজ্য মাগিয়া নপাইলোঁ পাঞ্চ গ্ৰাম॥
দ্ৰোণ, ভীষ্ম, সঞ্জয়, বিদুৰ আদি কৰি।
তাসম্বাৰ বাক্য দুৰ্য্যোধনে অনাদৰি॥ ৩৩৩॥
মৃত্যু ভুণ্ড ৰোগ যেন ভৈল ধেনুৱাৰ।
কাকো নেমানিল দুৰ্য্যোধন অনিৰ্ব্বাৰ॥
ৰণ কৰি সত্ৰু জয় ভৈল ধৰ্ম্মৰাজ।
মই তোমাসাক বোলোঁ এক হিত বাজ॥ ৩৩৪॥
