এই পৃষ্ঠাটোৰ বৈধকৰণ হৈছে
( ৫৬ )
হেন শুনি ভীমক মাতিলা যুধিষ্ঠিৰ।
পালিলাহা সত্য ধন্য ধন্য মহাৰীৰ॥ ২৯২॥
কৃষ্ণৰ প্ৰসাদে জয় সাধিলা সকল।
তুমি মোৰ পৰম দক্ষিণ ভুজ বল॥
বৈৰক বধিয়া জয় সাধিলা সকল।
ৰাজমাতা কুণ্ডীৰো সাধিলা কৌতুহল॥ ২৯৩
ৰাজাৰ হৰিষ দেখি প্ৰজা কৌতুহল।
ৰণ জয় হুয়া বাদ্য বজাই বাক লৈল॥
পঞ্চম শবদে বাৱে কৰে জয় জয়।
জাৱে ছাপৰি কেহোঁ আনন্দে নাছয়॥ ২৯৪
ভীমক প্ৰশংসা কৰি বোলে ৰাজাগণ।
কিমতে বধিলা বীৰবৰ দুৰ্য্যোধন॥
যেতিক্ষণে জল হন্তে আমি ভৈলা ঠিৱ।
পলাই ৰাজা প্ৰজা সব উৰি গৈলা জীৱ॥ ২৯৫
যেতিক্ষণে যুজিবে আসিলে ক্ৰোধ কৰি।
আছোক যুজিবে প্ৰজা দেখি ডৰে মৰি॥
হেন শুনি হাসিয়া মাতিলা নাৰায়ণ।
পাপি দুৰ্য্যোধনৰ যে শুনিয়ো কাৰণ॥ ২৯৬
যৈসানি এড়িলে বীৰে গুৰু পিতৃবাক।
তৈসানি জানিবা বধিলেক আপোনাক॥
যেতিক্ষণে উৰু ভঙ্গ ভৈল দুৰ্য্যোধন।
ডোঙ্গা দিয়া উঠিয়া বসিল কোপমন॥ ২৯৭
