এই পৃষ্ঠাটোৰ বৈধকৰণ হৈছে
(৩২)
অবৈৰক বৈ, শান্তি ভুঞ্জ তাৰ ফল।
আজি ৰাজ্যভাৰ এৰি যম ঘৰে চল॥
দুৰ্য্যোধনে বোলে শুন থুবুৰা দুৰ্জ্জন।
সমোখ সমৰে মোক নিন্দ অকাৰণ॥ ১৫৮ ॥
ৰাজ্যৰ নিমিত্তে যুদ্ধ ক্ষেত্ৰিয় জাতিৰ।
নিদাৰুণ কৰ্ম্ম ইটো নিৰ্ম্মাণ বিধিৰ॥
তাক নিন্দা বিকৰ্থনা কৰে যিবানৰ।
অকাৰণে লপে যিটো বুলিয়া বৰ্ব্বৰ॥ ১৫৯ ॥
বজ্ৰসম জটায়ু, সম্পাতি, বালিৰায়।
দেৱাসুৰৰ যুদ্ধ কৰে ৰাজ্য কেসেলাই॥
ক্ষেত্ৰিয় জাতিৰ ধৰ্ম্ম বিহিত বেদৰ।
তাহাক নেমানি কেনে, লপস বৰ্ব্বৰ॥ ১৬০ ॥
জয়তি পাণ্ডৱ পাঞ্চুভাইৰ একে তিৰী।
ৰাক্ষসী পতিত তই পাতকৰ গিৰি॥
যদি ভয় পায় কৰে সমোখ সমৰ।
আগে খৰ্ব্ব বোলে পাচে কৰয় কাতৰ॥ ১৬১ ॥
তাক নিন্দা বিকৰ্থনা কৰে সবে নৰ।
অকাৰণে লপে যিটো বুলিয়া ইতৰ॥
বজ্ৰসম গদা ধৰি আছোঁ তোক চাই।
তই হেন বীৰ শতেককো ভয় নাই॥ ১৬২ ॥
যদি বল আছে গাৱে দৰশ বিক্ৰম।
নুহি অকাৰণে কিয় লপ নৰাধম॥
