এই পৃষ্ঠাটোৰ বৈধকৰণ হৈছে
( ১৮ )
ভীমসেনে কিছু শিকি আছে মাত্ৰ গদা।
তূল্য পৰাক্ৰম দুইৰো জানা ৰাজাতদা॥
কিন্তু বনবাস দুখে ভীম ক্লেশ ভাৱ।
মহ ভোগ ভুঞ্জি দুৰ্য্যোধন পুষ্ট গাৱ॥ ৮৮॥
সঞ্জয় বদতি শুনা অম্বিকা তনয়।
পুনু দুৰ্য্যোধনে যুধিষ্ঠিৰক মাতয়॥
শুনিয়োক দদা যুধিষ্ঠিৰ ধৰ্ম্মৰাজ।
অল্প বলী বীৰক যুজিবে মোৰ লাজ॥ ৮৯॥
নকুল সহদেৱ পাঞ্চালৰ পুত্ৰগণ।
গদা পাকে উৰুৱাইবো যেন তৃণ বন॥
একে লগে গদা শিকি আছোঁ ভীমসনে।
দৃঢ় মুষ্টি প্ৰহাৰ মণ্ডল গদা শ্ৰমে॥ ৯০॥
ভীমক যুজিবো আজি দেখা বাহুবল।
পাচে সংহৰিবো পাণ্ডু পাঞ্চালৰ দল॥
গদা যুদ্ধে পাণ্ডৱক মোৰ কোন ভয়।
যাৰ গদা যুদ্ধ দেখি দেৱৰৰ বিস্ময়॥ ৯১॥
যুধিষ্ঠিৰে বোলে সাধু সাধু দুৰ্য্যোধন।
অক্ষৌহিণী সেনাক একলে দিলি মন॥
তোৰ বীৰ যশস্যা থাকিল মহীতলে।
ভীমসমে গদা যুদ্ধ কৰ বাহুবলে॥ ৯২॥
অজাত শত্ৰুৰ বাক্য শুনি সেহিতাল।
শালে যেন জলত কৰিলা উৰুস্ফাল॥
