এই পৃষ্ঠাটোৰ বৈধকৰণ হৈছে
দুলৰী।
কৃপ নিগদতি, শুনা মহামতি,
কুৰুৰাজ দুৰ্য্যোধন।
আমি বিদ্যমানে, তোমাসাৰ স্থানে,
প্ৰবেশিলা বন্ধুগণ॥
স্ত্ৰী শিশুচয়, আৰাৱে কান্দয়,
তাক শুনি কেনে জীওঁ।
উঠা মহাশয়, নকৰিবা ভয়,
পুনৰপি যুদ্ধ দিওঁ॥ ২৪ ॥
বোলে দুৰ্য্যোধন, শুনা তিন জন,
অবৈৰ বান্ধৱ মোৰ।
ভীষ্ম দ্ৰোণ কৰ্ণে, আনো বীৰগণে,
কৰিলেক যুদ্ধ ঘোঁৰ॥
বিধিৰ বিপাকে, পাণ্ডৱে আমাক,
মাৰিয়া ৰাজ্য লৈলেক।
পাণ্ডৱগণক, জিনিবা ৰণত,
হেন বীৰ নভৈলেক॥ ২৫ ॥
ৰাখিবো জীৱন, আমি চাৰি জন,
শৰবিষে কাম্পে কায়।
যেহি হৌক ভাগ্যে, যুজিবাক লাগে,
থাকিয়ো ৰাতি জীৰাই॥
