এই পৃষ্ঠাটোৰ বৈধকৰণ হৈছে
১১
জঙ্ঘাসুৰ বধ
নজানো ভজন নজানোহো স্তুতি নতি।
আপুনাৰ গুণে তুষ্ট হৈয়ো লক্ষ্মীপতি॥ ৫২
সন্তৰ সঙ্গত থাকি চিন্তা অন্ত-কাম।
কায়মনোবাক্যে সবে বোলা ৰাম ৰাম॥ ৫৩
দুলড়ী
ভীমৰ অনুপস্থিতিত যুধিষ্ঠিৰ আদিৰ শোক।
ৰাজা জন্মিজয়, মুনিত পুছয়,
শুনিয়োক মোৰ কথা।
অৰ্জ্জুন নকুল, নিদ্ৰা পৰি ৰৈলা,
কহা যেন ভৈল তথা॥
মুনিয়ে বোলয়, শুনা জন্মিজয়,
নৃপ পৰীক্ষিত-সুত।
পাছে দুই ভাই, জাগিয়া দেখয়,
মিলি আছে অদভুত।
অৰ্জ্জুন বদতি, নকুল শুনিয়ো,
ভীম দাদা গৈলা কৈক।
জানিলো অৱশ্য, বিঘাত মিলিল,
তিনি ভাই আহো ঐক॥