এই পৃষ্ঠাটোৰ বৈধকৰণ হৈছে
৩২
খটাসুৰ বধ
মহাক্ৰোধ কৰি যাই অসুৰ দুৰ্ব্বাৰ।
বান্ধয় দুই ভাইক বলে শৰীৰৰ॥৮৫
টানা টানি কৰি তাঙ্ক কত দূৰে নিলা
মাৰিলেক পঞ্চপতি দ্ৰৌপদী দেখিলা॥
⸻⸻
দ্ৰৌপদীৰ হাতত খটাসুৰৰ স্কন্ধপাত
অপাৰ সমুদ্ৰে ৰক্ষা নেদেখন্ত আন।
ত্ৰাহি কৃষ্ণ বুলি দেৱী কৰয় ক্ৰন্দন॥৮৬
অসুৰে বোলন্ত দেৱী নকৰা ক্ৰন্দন।
শোক পৰিহৰি মোক ভজা এতিক্ষণ॥
দ্ৰৌপদী শুনিয়া বোলে অৰে খটাসুৰ।
পঞ্চপতি মাৰি গৰ্ব্ব বাঢ়িলন্ত তোৰ॥৮৭
নেউচেনি দিওঁ মই তোহোৰ মাথাত।
মোহোৰ হাতত তোৰ হইবে কন্ধপাত॥
অসুৰে বোলয় মাৰিলোহো পঞ্চপতি।
এহি অপমানে মোক নমাতে যুৱতী॥৮৮
ইটো দোষ ক্ষমিয়োক নকৰিবা শোক।
গাল পাতি দিওঁ লাঠি মাৰা যদি মোক॥
কান্ধত কৰিয়া আমি লৈ যাবো সুন্দৰী।
অপৰাধ ক্ষমা মাথে মলছিয়ো ভৰি॥৮৯
