এই পৃষ্ঠাটোৰ বৈধকৰণ হৈছে
৩০
কৰ্ণ পৰ্ব্ব।
ক্ৰোধ নামে চাণ্ডালত ভৈলা এত খানি।
মহাজনে ক্ৰোধ নকৰয় আক জানি॥
ক্ৰোধ ভৈলে অৱশ্যে দুৰ্গতি তাক ভেটে।
দেখা যুধিষ্ঠিৰক অৰ্জ্জুনে কেন কাটে॥ ১৫৮॥
ভক্তি ভাৱে কৃষ্ণু কাসতে যাতো বশ্য।
তাহান দুৰ্গতি হৰি খণ্ডালা অৱশ্য॥
নৃপতিক ধনঞ্জয় কাটিবে খোজন্তে।
থাপ দিয়া খৰ্গত ধৰিলা ভগৱন্তে॥ ১৫৯॥
পৰাহত ধনঞ্জয় ক্ৰোধ গুৰুতৰ।
তেবে অৰ্জ্জুনক মাতিলন্ত দামোদৰ॥
মাধৱ বদতি শুনা ধনঞ্জয় সখি।
খৰ্গ ধৰি আছা তুমি কাক আগে দেখি॥ ১৬০॥
সি থানত থাকিলে কৰ্ণ দুৰ্য্যোধন।
অৱশ্যে জানিবা ভীম সমে কৰ ৰণ॥
গৃহত খৰগ লৈয়া বাতুলৰ থান।
কাক যুদ্ধ কৰিবা নেদেখোঁ মই আন॥ ১৬১॥
যাক দেখি চাহা অগ্ৰে দুৰ্য্যোধন নুই।
শৰ বিষে ৰাজা যুধিষ্ঠিৰ আছে শুই॥
ৰাজা দেখিবন্ত হুয়ো এঠাইৰ অন্তৰ।
নৃপতিক নমানস কিনো অথন্তৰ॥ ১৬২॥
অজামিঢ় কুলে এণ্ডে মহন্ত উত্তম।
মহা গুণৱন্ত ৰাজা নাহি যাক সম॥
