এই পৃষ্ঠাটোৰ বৈধকৰণ হৈছে
৬৫
কুমৰ-হৰণ
দেখে অনিৰুদ্ধে সবে ভৈলেক অকাৰ্য্য।
স্তম্ভ গোট ধৰিয়া গৃহৰ ভৈলা বাজ॥
দীঘলে চৌষষ্টি হস্ত বেঢ়ে কুড়ি ছয়।
তাক ফুৰাৱন্ত যেন ত্ৰিশূল শিৱয়॥
সেনা মাজে অনিৰুদ্ধে দিলেক আটাস।
কৰ্ণে তাল হানে প্ৰজা শুনি ভৈল ত্ৰাস॥
বিপৰীত শব্দ পাছে গৈল দশোদিশে।
কৰ্ণে হাত দিয়া প্ৰজা বোলে পাইলে কিসে॥
গজ বাজী চিঁহৰিয়া পলাইল লৱৰি।
বেহু ভাঙ্গি প্ৰজাগণ থাকি গৈল দড়ি॥
পাছে নৃপতিৰ গৈল শতেক কুমাৰ।
সবে হৃষ্টমন বীৰ বলিষ্ঠ দুৰ্ব্বাৰ॥
খড়্গ চৰ্ম্ম চাপ বাণ ধৰি শেল শূল।
কুমাৰক চাই বোলে কৰহ নিৰ্ম্মুল॥
একেবাৰে শৰ প্ৰহাৰিলা আসৰিস।
কুমাৰক বেঢ়ি সবে মাৰে দশোদিশ॥
স্তম্ভৰ পাকত অস্ত্ৰ কৰিলা বিনাশ।
তাক দেখি সবাহাৰ লাগিল তৰাস॥
স্তম্ভক ধৰিয়া অনিৰুদ্ধে বেগে ধাই।
প্ৰত্যেক খোজতে বসুমতী কম্পি যাই॥
৫
