এই পৃষ্ঠাটোৰ বৈধকৰণ হৈছে
১০১
কুমৰ-হৰণ
তযু ভকতৰ সঙ্গ হোক মোৰ
বচনে নেৰোক নাম।
তোমাৰ চৰণে পশিলো শৰণে
নাহি মোৰ আন কাম॥
কৃষ্ণ পদ দৃঢ় ভাগৱত পদ
শ্ৰীচন্দ্ৰ ভাৰতী ভণে।
আন যত কাম কৰিলো বিৰাম
একান্ত সাধু ভজনে॥
সাধু সঙ্গ মোক সদায় দিয়োক
নামাগোহোঁ আন বৰ৷
জনমে জনমে সাধু সমাগমে
স্থিতি হোক নিৰন্তৰ॥
ধৰ্ম্ম শাস্ত্ৰ যত তাহাৰ উদ্ধৃত
শ্ৰীভাগৱত সাৰ৷
যাৰ মুখে ইটো বিচিত্ৰ ভৈলন্ত
সন্ত সূৰ্য্য নাম তাৰ॥
শৰণ ভজন ভক্তিৰ লক্ষণ
প্ৰচাৰিলা জগভৰি৷
তাহান কৃপাত আমি ভৈলো যাত
ভক্তি যে সংসাৰতৰী॥
