এই পৃষ্ঠাটোৰ বৈধকৰণ হৈছে
৯৩
অসমীয়া ৰামায়ণ।
নৃপতিৰ আজ্ঞা বাণী শিৰোগত মানি।
আসিলেক সেনা গণ দশো দিশে ছানি॥
আকাশ ঢাকিয়া যেন ফৰিঙ্গা উজাস্তি।
আপোনাৰ যুথে যুথে কিষ্কিন্ধ্যা পাইলস্তি॥
সিংহ যেন বিৰিঙ্গ শৰীৰ নুহি ছটি।
মন্দৰ গিৰিৰ আইল তিনিশত কোটি॥
নিপুষ্ট শৰীৰ লুহোৰিয়া বৰ্ণ কস্তি।
হেনদেখি স্বৰ্গ কোল একে জাম্পে যান্তি॥
যিবা পৰ্ব্বত অষ্ট যান্ত দিবাকৰ।
তৈৰপৰা শত কোটি আসিলা বানৰ॥
কৈলাসৰ আসিলা বানৰ কুড়িশত।
তাম্ৰৰ সদৃশ দেখি শৰীৰ সাক্ষাত॥
ফল মূল ভুঞ্জি মাত্ৰ থাকে অহৰ্নিশ।
হেমৱন্ত হন্তে আসি ভৈলা কোটী দশ॥
আন পুৰ্ব্বতৰ যত আইল যুথে যুথে।
কোন বৰ্ণাবেক কপি কটক বহুতে॥
ক্ষীৰোদ তীৰৰ যত কটক বানৰ।
তমাল পুষ্পৰ সম সব কলেবৰ॥
নাৰিকল ফল ভুঞ্জে সুখী সদা চাৰী।
তৈৰহন্তে আইল যত বৰ্ণাইতে নপাৰি॥
