এই পৃষ্ঠাটোৰ মুদ্ৰণ সংশোধন কৰা হৈছে
৭২
কিষ্কিন্ধ্যা কাণ্ড
অন্তেষ পুৰৰ হন্তে, মহন্ত সুগ্ৰীৱ বীৰে,
ৰত্ন মণ্ডপক চলি গৈল।
মন্ত্ৰী পাত্ৰ গণে মিলি, সেৱলি কৰিয়া পাছে,
বাৰে বাৰে প্ৰশংসিবে লৈলা ।
সুবৰ্ণ ৰজত ৰত্নে, শৰীৰক মণ্ডিলন্ত,
অলঙ্কাৰে দেখি হেম ময়।
হৰষিত বদনৰ, কান্তি চয় প্ৰকাশয়,
যেন দেখি সূৰ্যৰ উদয় ॥
হনুমন্ত আদি ক'ৰ, মুখ্য মুখ্য বীৰগণ
ৰামৰ আজ্ঞাক শিৰ লৈলা।
ভাল ভাল দুত গণ, দেশে দেশে পঠাই দিয,
সম্ভাৰে মিলাইয়া সব ৰৈলা ॥
গঙ্গাদেবী আদি কৰি, যত যত তীৰ্থ আছে,
আৰো সাত সাগৰৰ জল।
সুবৰ্ণৰ অষ্ট ঘট, অগৰু সুগন্ধি জলে,
ভৰি আম ডাল দিলা ফল ॥
