পৃষ্ঠা:কিষ্কিন্ধ্যাকাণ্ড.djvu/৫৫

এই পৃষ্ঠাটোৰ বৈধকৰণ কৰা হৈছে
৫৩
অসমীয়া ৰামায়ণ।

তাকে লাগি সুগ্ৰীৱক অশ্ৰয় কৰিলা।
আমাক বিমুখে বধি অধৰ্ম্ম লভিলা॥
অধিকে নিন্দিবে ৰাম মোৰ নাহি কাজ।
আচৰিত হীন নাম ধৰ্ম্ম ভৈলা বাজ॥
শুনি ৰামে বোলন্ত বানৰ গৰ্ব্বকাৰা।
মোক গৰিহস আগ পাছ নিবিছাৰি॥
দুৰ্জ্জন চঞ্চল মন্দ তৰল বানৰ।
শুনা যি কাৰণে তোক কৰিলোহু শৰ॥
ইক্ষ্বাকু বংশৰ ৰাজ্য সকলে আমাৰ।
অবশ্যে খণ্ডিবে লাগে পৃথিবীৰ ভাৰ॥
খন্ট চোৰ বচন যতেক দুৰাচাৰ।
যাক যেন অনুৰূপে কৰয় সংহাৰ॥
ভৰত ভৈলন্ত ৰাজা সোদৰ আমাৰ।
অনুচিতে পিম্পৰাৰ নিচিন্তিবে মাৰ॥
দুষ্টক কৰোহো দণ্ড তানে বোল পালি।
কোন কাৰ্য্যে আমাক নিন্দহ দুষ্ট বালী॥
যি বুলিলি বিমুখত মাৰিলোহো শৰ।
ইহাৰ উত্তৰ শুন পাপিষ্ঠ বানৰ॥
পূৰ্ব্বে যত ৰাজগণে ধৰ্ম্ম অ চৰিলা।
যেনে তেনে পশু মৎস্য কচ্ছপ মাৰিলা॥