এই পৃষ্ঠাটোৰ বৈধকৰণ হৈছে
২৬
কালিকা পুৰাণ
চাউল লাগিবে মাত্ৰ দুই লক্ষ মোণ।
তাহাৰ লগত ৰাগিবেক অনুপান॥
পিঠা ছিৰা আখৈ লাৰু আৰু ভাল চেনি।
সন্দেশ বাতাসা লাগিবেক জেল্পী ফেনী॥১২২
আৰু কন্যাদান বাবে ভোজ লাগিবেক।
তাহাৰ ঠিকনা মই কহিবো কতেক॥
চাউল লাগিবে তিনি লক্ষ মোণ মান।
দালি লাগিবেক ভাল তাৰ অৰ্দ্ধখান॥১২৩
সেহি চাউল জোখাৰে লাগিবে মাছ কাছ॥
হৰিণ বৰাহ হংস আৰু ছাগ মাংস।
তেল লোণ মছলা লাগিবে দধি দুধ।
লাগিবেক বিবাহে সকলো বিধে বিধ॥১২৪
আৰু লাগিবেক ভাল বস্ত্ৰ অলঙ্কাৰ।
বিবাহত আসিব অনেক পৰিবাৰ॥
যদিবা বিবাহে সিটো নপাৱয় মান।
অৱশ্যে লাগিবে তাসম্বাৰ অপমান॥১২৫
দ্ৰব্য যত লাগে আমি কহিলো বুজাই।
নিদিলে তেতিয়া হইবে সমাজে বেজাই॥
এহিমতে হেমৱন্তে কহিলা বুজাই।
শুনি শলাগিয়া হৰে কৰিলা বিদায়॥১২৬
