এই পৃষ্ঠাটোৰ বৈধকৰণ হৈছে
১৮
কালিকা পুৰাণ
হেন সব দ্ৰব্য পৰিহৰি আই
বহু দুখ পাবা ভাত।
আন দ্ৰব্য তাৰ নাহিকে গৃহত
বাঘছাল মাত্ৰ গাত॥৮২
নাহি ধন ধান শুদা ঘৰ খান
ভাঙ্গ ধতুৰাৰ চাঙ্গ।
ভাঙ্গ জৰা চলা আছে ডলা কুলা
আৰু ভাঙ্গ খুন্দা ডাঙ্গ॥৮৩
ভাঙ্গৰ সম্বল মাত্ৰ আছে ঘৰে
অন্য কিছু বস্তু নাই।
খাইবাৰ হেতু নাই চিৰা পিঠা
সদাই ভাঙ্গকে খাই॥৮৪
চাউল ভাতৰ নাই ব্যৱহাৰ
ভাঙ্গকে ঘুটিয়া খায়।
ভাঙ্গ ঘুটিবাক নপাৰয় যদি
মাৰিবে ডাঙ্গে কোবাই॥৮৫
ইসব দুখক সুমৰিয়া মোৰ
শোক শেলে প্ৰাণ যাই।
বিলাপ কৰিয়া কান্দন্তে কান্দন্তে
ভৈলন্ত বিশ্ৰুতি প্ৰায়॥৮৬
