এই পৃষ্ঠাটোৰ বৈধকৰণ হৈছে
১৬
কালিকা পুৰাণ
কিমতে ওচৰ চাপিবে আই।
ফেটী সাপে জানো মাৰিবে খাই॥
শাখিনী সাপে মেলিবে ফেট।
ওচৰ চাপিতেই মাৰিব খোট॥৭২
কিমতে নখাই থাকিব ভাত।
কিমতে লৈবে বাঘছাল গাত॥
বাঘচাল নোমে গাত বিন্ধিব।
কিমতে গলত সৰ্প বান্ধিব॥৭৩
হেনয় দৰিদ্ৰক দিলে জীক।
কণা হেমৱন্ত জীৱন ধিক্॥
হেমৱন্ত ৰাজা নামৰ কিক।
হেন জোঁৱাই পালা ধিক ধিক॥৭৪
এহি ৰূপে বহু বিকৰ্থনা কৰি।
হেমৱন্তক ভৎৰ্সে মেনকা সুন্দৰী॥
বৰ্ণিবে লাগিল অনেক ভাৱে।
নকৈলো পদ বিস্তৰৰ ভয়ে॥৭৫
শুনা সৰ্ব্বজন শিৱৰ চৰিত্ৰ।
জগতকে যিটো কৰে পৱিত্ৰ॥
জানিবা কলিত নামেসে সাৰ।
হৰি হৰি বুলি তৰা সংসাৰ॥৭৬
