এই পৃষ্ঠাটোৰ বৈধকৰণ হৈছে
[ ১০০ ]
তাহাৰ ভৰক নসহয় মহীখণ্ড।
প্ৰকাশ কৰয় যেন আদিত্য প্ৰচণ্ড॥
অনন্তৰে বাহুমেলি দিগ্গজ ৰহিলা।
নাগলোক তৰাসয় ভয়ে চমকিলা॥ ৪৫৮
জোণ্টাজুণ্টি হুয়া সবে ভৈলা একাকাৰ।
দৈত্য দানবৰ ভয় মিলিলা ডাঙ্গৰ॥
সাত সাগৰত মোৰ ঢউ উথলিলা।
পৃথিবী কাটিয়া ঘোৰ জল নিকলিলা॥ ৪৫৯
মৎস্য যে মগৰ শিহু ঘৰিয়াল যত।
মৰিলা সকল সব ঢউৰ কোবত॥
স্বৰ্গচাৰি যাই ব্ৰহ্মা দেশৰ অস্তত।
লাগিলা চমক সব শৰৰ মহত্ত্ব॥ ৪৬০
ঋষিয়ে বোলন্ত শুনিয়োক জন্মিজয়।
হেন অদ্ভুত শৰ নতু দেখা নাই॥
মহাভৰে ধৰণী সম্যক যাই তল।
দ্ৰৌপদীও পৰম আক্ৰান্তে দিলা বল॥ ৪৬১
বামভৰি আগকৰি ডাহিন পাচত।
ভুমি থিৰ নোহে বল নপাৱে গাৱত॥
তথাপিতো মহাটান কৰি বল দিলা।
আটাসেক দিয়া দেবী শৰ প্ৰহাৰিলা॥৪৬২
