পৃষ্ঠা:কমতাপুৰ ধ্বংস কাব্য.djvu/২৯৬

এই পৃষ্ঠাটোৰ বৈধকৰণ কৰা হৈছে
১২২
বিৰহিণী বিলাপ কাব্য।

আৰু জোৰা খাব,
“সাহাৰা” ফুলনী হ’ব?
মৰুৰ মাজত
ফুলিব গোলাপ?
আৰু মন্দাকিনী ব’ব?
কুল্ কুল্ সুৰে
আৰু নেকি গাব
অমিয়া মধুৰ গান?
শক্তিৰূপী নেকি
শীতল নিজৰা
শান্তিৰে ভৰাব প্ৰাণ?
হায়!⸻⸺     
——যি অমূল্য ধন
হেৰাল হাততে
হিতেশে আৰু কি পাব
হিতেশৰ প্ৰাণ
হিতেশৰ মন
আৰু কি আগৰ হ’ব?
আৰুনে হিতেশে
হাঁহিব মিচিকি
প্ৰাণৰ অমিয়া হাঁহি?
বাজিবনে ধীৰে
আৰু হিতেশৰ
প্ৰাণত মধুৰ বাঁহি?