এই পৃষ্ঠাটোৰ বৈধকৰণ হৈছে
১১৭
প্ৰাণৰ জিতেন।
সংসাৰ ক্ষেত্ৰত
তযু লীলা প্ৰভূ।
বুজিব নোৱাৰো একো
স্বাৰ্থত ব্যাঘাত
লাগিলে মাথোন
চকুৰ চকুলো টোকোঁ
সাৰ কি অসাৰ
ই ভৱ সংসাৰ
বুজিব নোৱাৰোঁ আমি
সংসাৰ ৰহস্য
তুমি মাথোঁ জানা
সৰ্বজ্ঞ অন্তৰ্য্যামি
জানো মাথোঁ আমি
জগতৰ পিতা
মূল সকলোৰে তুমি
স্ৰজোঁতা মাৰোতা,
দিওঁতা, নিওতা,
পালোতা সকলো প্ৰাণী
সকলোৰে আদি,
অনাদি কাৰণ
তোমাৰ বিভূৰ্ত ভৱ,
তোমাৰ ঐশ্বৰ্য্য
তিনিও ত্ৰৈলোক্য
তোমাৰে সকলো জীৱ
