পৃষ্ঠা:কমতাপুৰ ধ্বংস কাব্য.djvu/২৭৭

এই পৃষ্ঠাটোৰ বৈধকৰণ কৰা হৈছে
১০৩
আইতা

মিছাতে কিয় বা কান্দোঁ?
মাউৰা কৰিলা
দুয়োটী ভাইকে,
সি বুলি চকুলো টোকোঁ
গলা তুমি যোৱাঁ
যোৱাঁ স্বৰগত,
কি কৰি ৰাখিম, আই?
অমিয়া মধুৰ
“অইতা কথাটী
আৰু যে আমাৰ নাই
আৰু জনমত
নাপাওঁ তোমাক
মাতিব আইতা” বুলি!
সংসাৰৰ মায়া
এৰি গ’লা আই!
স্বৰ্গৰ মায়াত ভূলি
আৰু জগতত
নোবোলা আমাক
“বোপাই” সাদৰ কৰি!
স্বৰগৰ মোহে
মোহিলে তোমাক
চিঙ্গিলা স্নেহৰ জৰি!!
গ’লা গ’লা যোৱাঁ
যোৱাঁ তুমি আই!