এই পৃষ্ঠাটোৰ বৈধকৰণ হৈছে
দ্বাদশ সৰ্গ!
⸻<>⸻
-I will not yield,
To kiss the ground before young Malcolm's feet,
And to be baited with the rabble’s curse,
⸻Shakespeare.
নীৰলে নীৰলে যায় নিতউ সময়
একেৰাহে, নাই যেন আমনি ভাগৰ,
কত দিন, কত পক্ষ, কত মাহ যায়
এমাহ দুমাহ কৰি কতনো বছৰ!
তথাপি খন্তেক ৰই ক’তো নুজুৰায়,
আমনি ভাগৰ জানো অলপকে নাই!
কাকূতি মিনতি কৰি কত মাতে নৰে,
অলপো নৰয়, জনো, কানতো নপৰে!
যেনেকই বলে নই নিতে একেৰাহে,
সময়ৰো গতি, হ!য়! যায় তেনেকই,
নইৰো ভাগৰ নাই, নাই সময়ৰো,
সময়ো নৰয় ক’তো, নইও নৰয়!
সময় নইৰ গতি একেই বিধীয়া, •
কিন্তু ভেটা দিলে পাৰি নইক ৰখাব;
নাই কিয়া মাথোঁ ভেটা বুদ্ধি এনেকুৱা
সময়ক যিটে হায়! পাৰিব ভূলাব!
