এই পৃষ্ঠাটোৰ মুদ্ৰণ সংশোধন কৰা হৈছে
১৬
কদম-কলি
প্ৰশ্ন৷ — প্ৰেমৰ পুতল চেনেহ-প্ৰতিমা
কোন খনিকৰে কৰে?
উতৰ।— যেয়েবা কৰক, সেইটী প্ৰতিমা
এই চোৱাঁ মোৰ ঘৰে
।
১৮১৩ শক৷
কলিকতা৷
⸻⸻
প্ৰিয়তমাৰ সৌন্দৰ্য্য
কেলৈ লাগিছে সেন্দুৰীয়া গাল?
ফৰিং-প্ৰেমিকৰ জুই।
কোৱাভাতুৰীয়া ওঠৰ তলত
ফেটী সাপ থাকে শুই।
কিয় বা লাগিছে তিৰবিৰ চকু?
যেনে ৰগৰ তৰা;
ওখ বুকু কিয় লৱণু কোমল,
মদন পিছলি পৰা?
কি কাম দীঘল মেষ বৰণীয়া
সাগৰৰ ঢউ চুলি?
প্ৰেম-পগলাৰ হৃদয়-তৰণী
বুৰি পায় গৈ তলি?
মৃণাল দুবাহু কি কাম সাধিব?
মত্ত প্ৰণয়ীৰ দোল!