এই পৃষ্ঠাটোৰ বৈধকৰণ হৈছে
পাণ্ডৱৰ হাতে সমৰ জিনি।
মৰাইবা অষ্টাদশ অক্ষৌহিণী॥
কৰিবা কৰ্ম্ম যত দ্বাৰকাত।
দেখিবোঁ আনন্দে থাকি তথাত॥
কেৱল জ্ঞান মূৰ্ত্তি তুমি স্বামী।
তোমাত শৰণ পশিলো আমি॥
পৰম পুৰুষ সন্তৰ গতি।
যদুশ্ৰেষ্ঠ হেৰা কৰোঁ প্ৰণতি॥
আনন্দে নাৰদে এতেক কই।
গৈলন্ত কৃষ্ণত মেলানি লই॥
গোবিন্দে কেশী অসুৰক মাৰি।
ব্ৰজৰ আনন্দ বঢ়ায় হৰি॥
থাকিলা কৃষ্ণ নানা লীলা কৰি।
সমস্ত সমাজে বুলিয়ো হৰি॥
