এই পৃষ্ঠাটোৰ বৈধকৰণ হৈছে
কি পুণ্য কৰিলে ব্ৰজৰ নাৰী।
অনুক্ষণে দেখে হেন মুৰাৰি॥
যাহাৰ ৰূপৰ নাহি সমান।
অনুদিনে কৰে নয়নে পান॥
মথন্তে দধিক দুহন্তে গাই।
কৰন্তে গৃহৰ কৃত্য সদাই॥
কৃষ্ণৰ গাৱে গুণ নাম গীত।
সতত কৃষ্ণত অৰ্পিয়া চিত্ত॥
পৰে প্ৰেম ভাৱে লোতক ঝৰি।
ধন্য ধন্য কিনো ব্ৰজ সুন্দৰী॥
প্ৰভাতে যাহান্তে ব্ৰজৰ হন্তে।
গৰু সমে সন্ধ্যাবেলা আসন্তে॥
কষ্ণৰ বংশীৰ শুনিয়া ৰাৱ।
বজায় গোপী সব আকুল ভাৱ॥
কৃষ্ণক দেখি মিলে মহা সুখ।
চাহয় ঈষত হসিত মুখ॥
সদয় দৃষ্টি চান্ত বনমালী।
কতনো কৰিলে পূণ্য গোৱালী॥
