এই পৃষ্ঠাটোৰ বৈধকৰণ হৈছে
ধৰি মল্ল বেশ পিন্ধি ৰত্ন আভৰণ।
ৰঙ্গ মধ্যে প্ৰকাশন্ত ৰাম নাৰায়ণ॥
কাছিয়া আছয় যেন নট দুই প্ৰায়।
নভৈল তৃপিত লোক দুইৰো ৰূপ চাই॥
চক্ষুৱে পিৱয় যেন চেলেকে জিহ্বায়।
বাহুৱে আলিঙ্গি নাসিকায় শুঙ্গে প্ৰায়॥
অন্যো অন্যে বোলে যেন কথা আছোঁ শুনি
সেহিতো কৃষ্ণক দেখোঁ নয়নে আপুনি॥
নাৰায়ণ অংশ দুয়ো জানিবা সাক্ষাত।
বসুদেৱ গৃহে দৈবকীত ভৈল জাত॥
গোকুলত থৈলন্ত বাঢ়িল নন্দঘৰে।
পূতনাক বধিলে এহেন্তে দামোদৰে॥
চক্ৰবাত দৈত্যক মাৰিল ছেপি গল।
ভাঙ্গিলে অৰ্জ্জুন মাজে টানি উডুখল॥
অঘ বক ধেনুক কেশীৰ লৈল প্ৰাণ।
গোপ গৰু বনাগ্নিত কৰিলাহা ত্ৰাণ॥
কালিক দমিলা গৰ্ব্ব গুচাইলা ইন্দ্ৰৰ।
সাত দিন একে হাতে তুলিয়া মন্দৰ॥
