এই পৃষ্ঠাটোৰ বৈধকৰণ হৈছে
ভুলিল সমাজে কৃষ্ণক চাই।
বোলা হৰি হৰি হৰি সদাই॥
⸻
ঘোষা ॥ হে কৃষ্ণ কৰা কৃপা পৰমানন্দ।
নাজানো ভকতি মই মলমতি মন্দ॥
কৰিলা প্ৰকাশ ৰামে সমে সমাজত।
দেখে দশ প্ৰকাৰে কৃষ্ণক সিবেলাত॥
মালে বোলে কিনো বজ্ৰ সম কলেবৰ।
অন্য জনে বোলে এহেন্তেসে নৰবৰ॥
নাৰীগণে বোলে মূৰ্ত্তি ধৰিলা মদনে।
আমাৰেসে বন্ধু বুলি মানে গোপগণে॥
আমাৰেসে শাস্তা বলে দুষ্ট ৰাজাচয়।
বসুদেৱ দৈৱকীয়ো বোলয় তনয়॥
কংসে বোলে এহি কৃষ্ণ অন্তক আমাৰ।
অজ্ঞানী সকলে বোলে নন্দৰ কুমাৰ॥
যোগীগণে বোলে এহেন্তেসে ব্ৰহ্মতত্ত্ব।
বৃষ্ণিবংশে বোলে এন্তে কুলৰ দৈবত॥
