এই পৃষ্ঠাটোৰ বৈধকৰণ হৈছে
লাঞ্জত তাৰ ধৰি চক্ৰপাণি।
এক শত হাত নিলন্ত টানি॥
সৰ্পক আজোৰে যেন গৰুড়ে।
কৃষ্ণক ধৰিবে চাহয় শুঁড়ে॥
ইকাতি সিকাতি কৰন্তে যাই।
টানি নেন্ত কৃষ্ণে শ্ৰমে এৰাই॥
নাপাৰে ধৰিতে সিটো কৃষ্ণক।
যেন দামুৰিক টানে বালক॥ .
অনন্তৰে তাৰ লাঞ্জক এৰি।
ভৈলন্ত সম্মুখ হস্তীক হৰি॥
চাপৰ মাৰিয়া যান্ত লৱৰে।
খেদি নেয় হস্তী গোৰত গোৰে॥
লীলায় পৰিয়া উঠিল হৰি।
পৰিল বুলি হস্তী ক্ৰোধ কৰি॥
পৃথিবীতে সিটো ভিৰিল দান্তে।
গাৱৰ বল দিয়া সিটো ঝাণ্টে॥
নাহিকা কৃষ্ণ দেখি হস্তী কোপে।
ধাইলেক কৃষ্ণক দুনাই আটোপে।
