এই পৃষ্ঠাটোৰ বৈধকৰণ হৈছে
এহি বুলি বুজি কৃষ্ণ ইঙ্গিত।
আনিয়া সৌৰভি পুষ্পে ৰচিত॥
পিন্ধাইলা দুইকো অঙ্গে মুণ্ডমালা।
পুষ্পে ভূষিলেক যত গোৱালা॥
ভকতি ভাৱ দেখি কৃষ্ণ ৰাম।
বোলন্ত লৈয়োক বৰ সুদাম॥
শুনিয়া মালী বোলে যুৰি হাত।
থাকোক অচলা ভক্তি তোমাত॥
বিষ্ণুভকতেসে হৈব বান্ধৱ।
ভূত দয়া যোনো ছাড় মাধৱ॥
এহি বুলি মৌন ভৈল সুদাম।
দিলন্ত সবে বৰ কৃষ্ণ ৰাম॥
বুলিলা আৰো ভক্তি তাৰ দেখি।
নেৰোক তোমাক অচলা লক্ষ্মী॥
বল আয়ু যশ দিলোঁ সমৃদ্ধি।
সৰ্ব্বকালে হোক বংশৰবৃদ্ধি॥
সুদামক দিয়া এতেক বৰ।
বজাইল তৈৰ ৰাম দামোদৰ॥
