এই পৃষ্ঠাটোৰ বৈধকৰণ হৈছে
ছিণ্ডিল মুণ্ড চৱৰতে তাৰ।
যতেক ধোবা লগৰীয়া আৰ॥
বস্ত্ৰ পেলাই সবে দিলে লৱৰ।
দেখিয়া কৃষ্ণে ৰঙ্গ ভৈল বৰ॥
ভাল বাছি বস্ত্ৰ লৈল দোভাই।
গোৱাল সবক দিলে বিলাই॥
বেশকাৰে আসি পিন্ধাই বস্ত্ৰক।
কছাইল ৰঙ্গে ৰাম মাধৱক॥
তাত তুষ্ট কৃষ্ণ ভৈল অধিক।
দিলন্ত পৰম ঐশ্বৰ্য্য শ্ৰীক॥
সাৰূপ্য মূকুতিকো দিল তাক।
বুলিলা অনেক আশ্বাস বাক॥
সুদাম নামে মালাকাৰ আছে।
তাহাৰ বাটীত পশিল পাছে॥
দূৰতে দেখে আসে কৃষ্ণ ৰাম।
কৰিলা সুদামা পৰি প্ৰণাম॥
আসন আনি দিল আথেবেথে।
বসিল তাত ৰঙ্গে জগন্নাথে॥
