এই পৃষ্ঠাটোৰ বৈধকৰণ হৈছে
নাসা তিল-ফুল সম সুন্দৰ।
বৰ্ত্তুল ৰাতুল চাৰু অধৰ॥
প্ৰবাল ৰত্নে যেন আছে গঢ়ি।
প্ৰকাশে দন্ত যেন কুন্দকলি॥
কুম্বু কণ্ঠে শোভে কৌস্তুভমণি।
প্ৰকাশে প্ৰভাতৰ সূৰ্য্য জিনি॥
আজনুলম্বী স্থুল ভুজ চাৰি।
শঙ্খ চক্ৰ গদা পঙ্কজধাৰী॥
কৰয় কেয়ুৰ কঙ্কণে কান্তি।
বক্ষস্থলে শোভে শ্ৰীবৎস পান্তি॥
আপাদলম্বী বনমালা গলে।
মুকুতাৰ হাৰ হিয়াত জ্বলে॥
ৰত্নৰ মেখলা কটিৰ মাজে।
তাতে সুবৰ্ণৰ কিঙ্কিণী বাজে॥
চাৰু উৰু জানু জঙ্ঘা যুগল।
দুখানি চৰণ যেন কমল॥
আঙ্গুলি পান্তি তাৰ ভৈল পাসি।
আৰকত নখে আছে প্ৰকাশি॥
