এই পৃষ্ঠাটোৰ বৈধকৰণ হৈছে
কোনে চাইবে কটাক্ষে নিৰক্ষি॥
জুৰাইব হৃদয় কাক দেখি॥
কোনে দিবে বংশীৰ নিস্বান॥
কি দেখি ৰাখিবোঁ আবে প্ৰাণ॥
আমাৰ জীবনে নাই সুখ।
আউৰ নেদেখিবোঁ কৃষ্ণমুখ॥
নীল আকুঞ্চিত যাৰ কেশ॥
শিৰে ৰত্ন কিৰীটি সুবেশ॥
ভ্ৰূৰ যুগ মদনৰ চাপ॥
দৰশনে হৰে হৃদি তাপ॥
ৰুচিকৰ কমল লোচন॥
সুধা সম মধুৰ বচন॥
সুষম ললাট গণ্ডস্থল।
চাৰু কৰ্ণে মকৰ কুণ্ডল॥
নাসা তিল কুসুম সুন্দৰ।।
শোভে আতি অৰুণ অধৰ।
দশন দাড়িম্ব বীজ পান্তি।
হাস্যে জিনে চন্দ্ৰমাৰ কান্তি॥
