এই পৃষ্ঠাটোৰ বৈধকৰণ হৈছে
সপোন শেৱালি
মনৰ প্ৰশান্ত জলধিত
এয়া জানো কিহৰ লহৰ?
বিভ্ৰান্ত মানস পটত
নাই যে প্ৰতিবিম্ব কোনো
উৎসাহী কিশোৰৰ
জীৱন্ত ভেকুলী শিলৰ।
লহৰ বিয়পি যায়
সুদূৰ দিগন্ত ধিয়াই
এৰি থৈ দলিচা এখন
মনোৰম, কহুঁৱা কোমল
আশাবোৰৰ উম লয়
অপেক্ষা সপোন দিন।
দেখো জলছবি সপোনৰ
দেৱদূত যেন সৰগৰ
হাত ভৰি নচুৱাই কয়
চৌদিশ হাঁহিৰে পোহৰাই
“কিঞ্চিত সুস্থিৰ হোৱা
বুটলিম শেৱালি নিয়ঁৰ।”
৭০.এজন ডাক্তৰৰ কবিতা
