এই পৃষ্ঠাটোৰ বৈধকৰণ হৈছে
পৰিতৃপ্তি
আজি মোৰ মন ভৰি গ’ল
আছিল যত মানে অনুসন্ধিৎসা
যত মানে অপূৰ্ণ, অতৃপ্ত বাসনা
পায়ো হেৰুওৱাৰ মৰ্মান্তিক বেদনা
হৃদয়ৰ অটল গহ্বৰত সঞ্চিত
অপ্ৰকাশিত লাভাৰ দহন যাতনা
নিমিষতে যেন শাঁত পৰি গ’ল
উপলব্ধিৰ বিশাল বটবৃক্ষৰ ছাঁত
পৰিতৃপ্তিৰ পূৰ্ণ পয়োভৰ হ’ল
আজি মোৰ মন ভৰি গ’ল।
আকাশৰ তৰাটি হাততেই আঁকিলো
সাগৰ তলিত ঘূৰি মাণিক বস্তু
অনাহক হাবিয়াস মনতে পুহিলো
দিবাস্বপ্নৰ লেহুকা জখলা বগাই
মেঘ গজা পথাৰতে কাৰেং সাজিলো
নন্দন কানন আনি ধৰাতে থাপিলো
মায়ামৃগ খেদি খেদি ভাগৰি পৰিলো
আজি বিষাক্ত ফণাধৰ কাৰেং ৰখীয়া
আৰু মই, ভস্ম প্ৰলেপ লৈ ভাং বলীয়া
আজি মোৰ মন ভৰি গ’ল। ❖
৬৮ • এজন ডাক্টৰৰ কবিতা
