এই পৃষ্ঠাটোৰ বৈধকৰণ হৈছে
ৰণাঙ্গন
কণমানি যোদ্ধা জীৱন যুঁজৰ
শৃংখলিত দুভৰিতে সীমা দাৰিদ্ৰৰ
যুজে প্ৰাণপনে নহয় কাতৰ
অনাহাৰী আখৰাত পৈণত পেশী
মন ব্যাকুল লক্ষ্য অদূৰতে দেখি
বগুৱায়, মাথো বণ্ডৱায় খোজ লেখি।
অন্য এক যোদ্ধা জীৱন যুঁজৰ
শ্ৰান্ত, ক্লান্ত যুঁজি সমুখ সমৰ
ধৰাশায়ী, অপেক্ষা আলিঙ্গনৰ
মৃত্যুৰ সতে, দৃষ্টি ধুৱলী ধূসৰ
নাই চিন চাব কোনো অমিয়া সুখৰ
আছে শত ক্ষতচিহ্ন আগ্ৰাসী দুখৰ।
মাতৃৰ বুকুৰ সেই অমৃতৰ গতি
ৰুদ্ধ হ’ল আজি যেন মৰা সুঁতি
চালুকীয়া সৈনিকৰ যুঁজৰ সমল
তৃষ্ণাতুৰ এপাহি তেজস্বী কমল
কি খাই নচুৱাব ধাৰাল হেংদান
সপোন সৰগ যেন হ’ল থানবান। ❖
৯৮ • এজন ডাক্তৰৰ কবিতা
