এই পৃষ্ঠাটোৰ বৈধকৰণ হৈছে
মোৰ জীৱন, মোৰ প্ৰেম
বৰ্ষাসিক্ত নিজম ৰাতি
আনন্দ আপ্লুত তোমাৰ কথাকে ভাবি
মই যে ভাল পাওঁ তোমাক
হৃদয় ভৰি তোমাৰেই নিৰ্মল ছবি।
শৈশৱৰ খিল্ খিল্ কোলাহল
নৃত্যৰত দুধাৰ বেণী
অভিমানি, আক্ৰোশী নয়ন যুগল
মোৰ উলাহৰ দূৰন্ত সমল।
সদ্য প্ৰস্ফুটিত যৌৱন কমল
নিৰন্তৰে বৈ থকা প্ৰেম সুকোমল
কটাক্ষৰে হৰিণী চঞ্চল
খোজে প্ৰতি দিয়ে মোক প্ৰেৰণা প্ৰৱল।
অভিজ্ঞতাপুষ্ট তুমি গজগামিনী
আওকান কৰা শতেক বিঘিনি
নিৰাপদ আশ্ৰয়, বিশাল ছাঁয়াতে
বিস্তৃত মোৰ কৰ্মভূমি।
সেই ছাঁতেই বহি মৌৰস পান কৰো
ৰঙীণ পখিলা ধৰো
শীতল ভূমিকেই শেতেলী কৰি
তোমাক আলিঙ্গন কৰো
তোমাক যে ভাল পাওঁ মই। ❖
৯২ • এজন ডাক্তৰৰ কবিতা
