এই পৃষ্ঠাটোৰ বৈধকৰণ হৈছে
৩৮
ঊষা-হৰণ।
ত্ৰৈলোক্য সুন্দৰী নিলে কোন জনে হৰি।
মোৰ ৰূপ ধৰি নিলে কহে পৰিচাৰী॥
এবে মুনিৰাজ তব ধৰো চৰণত।
ভূত ভবিষ্যত তুমি জানাহা সমস্ত॥১৫৯
দেৱে বা নিলেক কিবা দৈত্যে গৈলা লৈয়া।
কোনে হৰি নিলে ভাৰ্য্যা দিয়োক কহিয়া॥
শুনিয়া নাৰদ মুনি তুলিলন্ত হাস।
শুনা বোলো কুমাৰ ঊষাৰ ত্যজা আশ॥১৬০
কেনমতে ঊষাক লভিবা তুমি আৰ॥
যি জনে হৰিলা ঊষা সি সি বীৰ সাৰ।
অনিৰুদ্ধ বোলে যদি হয় পুৰন্দৰ।
তাহাতো নাহিকে শঙ্কা শুনা মুনিবৰ॥১৬১
মুনি বোলে অনিৰুদ্ধ গুণি চোৱা মনে।
তোমাৰ সদৃশ ৰূপ ধৰে কোন জনে॥
গোবিন্দ বিনায় মায়া ধৰে কোনে আৰ।
হৰিএ নিলেক হৰি ঊষাক তোমাৰ॥১৬২
সিন্ধু মাজে কুঞ্জ বনে নিলে দামোদৰে।
সেহি কুঞ্জ বনে পাইবা যোৱাহা সত্বৰে॥
মুনিৰ মুখত শুনি এতেক কাহিনী।
কোপে কম্পমান বীৰ মুখে নাসে বাণী॥১৬৩
