এই পৃষ্ঠাটোৰ বৈধকৰণ হৈছে
৩২
ঊষা-হৰণ।
ঘৰত প্ৰবেশি ডাকে বুলি প্ৰাণেশ্বৰী।
কিয়নাে নামাতা আজি আমাক সাদৰি॥১৩৬
হায় প্ৰাণেশ্বৰী মােক দিয়া সমিধান।
মাতিয়া বচনে দুঃখ কৰা নিবাৰণ।
এথাতে থাকিয়া কেনে নেদা সমিধান।
মােক লাগি তােৰ দেখাে বড় কোপ মন॥১৩৭
পিতামহে পঠাইলেক মৃগয়া কাৰণ।
এতেকে বিলম্ব প্ৰিয়ে ভৈলা সিকাৰণ॥
এড়া অসন্তোষ প্ৰিয়ে দিয়া সমিধান।
তােমাক নেদেখি মােৰ নসহে পৰাণ॥১৩৮
কিবা পৰিহাস কৰি আছস লুকাই।
দিয়া সমিধান মােৰ বুকু ফাটি যায়।
এহি বুলি অনিৰুদ্ধ ফুৰে থানে থানে।
ঊষাক নেদেখি বাৰ গুণে মনে মনে ॥১৩৯
যি যি থানে থাকে ঊষা বাণৰ কুমাৰী।
সেহি সেহি থানে বীৰে ফুৰন্ত বিচাৰি॥
ব্যাকুলে ফুৰন্ত নানা থানে বিচাৰিয়া।
এক এক ঘৰে শত বাৰ, আসে চাযয়া॥১৪০
শয়ন ভােজন স্নান মন্দিৰে নপাই।
নাট্যশালা বিলাস ভবনে ফুৰে চাই॥
