এই পৃষ্ঠাটোৰ বৈধকৰণ হৈছে
২৩
ঊষা-হৰণ।
তুমি মহা বলৱন্ত বীৰ মাঝে গণি।
মােহােক আনিলা প্ৰভাে বাহু বলে জিনি॥
শাস্ত্ৰত কহয় আৰু পণ্ডিতে বখানে।
বিদ্যা কন্যা নীচ হন্তে আনিব যতনে॥৯৩
হীন জাতি কন্যাৰত্ন যতনে আনিব।
কিন্তু পুনঃ পিতৃ গৃহ পঠাই নিদিব॥
অতএব দোষ কিছু নাহিকে তােমাৰ।
আৰু বিশেষত শুনা বিচাৰ আমাৰ॥৯৪
বালিকা কালৰ পৰা পূজিলো পাৰ্ব্বতী।
তুষ্ট হইয়া স্বপ্নত তােমাক দিলা পাতি॥
প্ৰাণৰ বল্লভা চিত্ৰলেখাৰ কাৰণ।
পাইলােহোঁ তােমাক পতি কৰিয়া যতন॥৯৫
মঞি বড় অভাগিনী কুল সংহাৰিণী।
মােহােৰ কাৰণে পিতৃ ৰাজ্য ভৈলা হানি॥
মােহােৰ কাৰণে নাশ ভৈলা দৈত্য কুল।
ইঠাৱতো নষ্ট বিধি ঘটাইলা আকুল॥৯৬
পূৰ্ব্ব জন্মে কিৰ ঘােৰ পাপ আচৰিলো।
তেকাৰণে এবে দুই কুল হৰুৱাইলো॥
মােহােৰ কাৰণে প্ৰভু হইলা বনবাসী।
কিবা কুক্ষণত জন্মিলো সৰ্ব্বনাশী॥৯৭
