এই পৃষ্ঠাটোৰ বৈধকৰণ হৈছে
২১
ঊষা-হৰণ।
কি কাৰণে প্ৰভাে তব অসুখী হৃদয়।
কহিয়োক প্ৰাণনাথ গুচোক সংশয়॥
কতক্ষণ স্তব্ধ হই থাকি নাৰায়ণ।
পাছে ধীৰে ধীৰে কিছু বুলিলা বচন॥৮৩
হয় প্ৰাণেশ্বৰী মােত পুছা কি কাৰণ।
মােক দূত দিয়া নিলা দেৱ নাৰায়ণ॥
ডাকিয়া বুলি কৃষ্ণ হুয়া অতি ক্ৰুদ্ধ।
মােহােৰ বচন শুনিয়ােক অনিৰুদ্ধ॥৮৪
তুঞি কুলাঙ্গাৰ মােৰ বংশে উপজিয়া।
দানৱ কুলৰ কন্যা কৰিলিহি বিয়া॥
কলঙ্ক ঘােষিলা তােৰ ইতিনি জগত।
তােহােৰ কাৰণে মােৰ কলঙ্ক কুলত॥৮৫
এহি বুলি নাৰায়ণ নিন্দিয়া আমাক।
বােলে আৰ নালাগয় নগৰে যাইবাক।
পিতামহ বুলিলেক এতেক বচন।
শুনিয়া দগধ মােৰ কৰয় পৰাণ॥৮৬
ধিক মােৰ জীৱন যৌবন ধৰণীত।
জীৱনত কৰিয়া মৰণে মােৰ হিত॥
হা হা প্ৰিয়া তােক দেখি বাঢ়য় বেদনা।
এহেন ভাৰ্য্যাক পৰিহৰে কোন জনা॥৮৭
