এই পৃষ্ঠাটোৰ বৈধকৰণ হৈছে
মোৰ এই বাক্য তুমি কৰিয়া পালন৷
আত্মা লৈয়া পদ্মাৱতী কৰহ গমন॥
বিদায় হৈলা পদ্মাৱতী অতি ৰঙ্গমনে
নেতা পদ্মা দুয়োজনে কৰিলা গমনে॥
সুকৱি নাৰায়ণ দেৱৰ সুৰস পাচালি৷
পদ্মাৰ চলন বুলি এক লেছাৰি॥
নামে ভৱ নামে সিন্ধু মুকুন্দ মুৰাৰী।
সবাৰো দুৰ্গতি খণ্ডক বোলা জয় হৰি॥
——উষা-হৰণ শেষ——
⸻
সাথৰ
সখিৰে বিৰাট তনয় দেহ দান৷
বায়স আজ ৰব অন্তৰ জৰ জৰ
কি ভৈলা মোৰ পাপীণী পৰাণ৷
চৌদিশে দ্বিগুণ কৰি বানে পূৰি বস্ত্ৰ হৰি
ললাটে মোৰ তাহান সমান
ৰাম সাগৰে পূৰি দিশাপতি উন্ কৰি
তাকে খাই মই ত্যাজিম পৰণ॥
